NTI DUHENDERWE MWISOKO TWAREMYE!

Rubanda Rwa Banyarwanda,

Mbasabye kunfasha kubaciririkanyiriza mwisoko ry’abacuruzi ba politiki bikunda bakumva ko bagomba kudutegeka ibyo dukwiye guhaha ataribyo dukeneye kandi isoko turinganyamo agaciro n’uburenganzira.

Iri n’isoko rya politiki, imibereho, imibanire nu bukungu tugomba kutongera kurihenderwamo ngo turire mu myotsi.  Tuzirikane ko isoko ritarema  ritabonye abacuruzi n’abaguzi, ibi bice bibiri rero bikeneranye kurugero rungana. Twiyemeze kutongera kugurira abacuruzi bataduha agaciro ko guciririkanya bidahenderwa mwisoko tunganyamo gukenerana.

Ibi mbagejejeho bikurikira bikwiye kudufasha kurihahamo ibyo dukeneye tudategekwa kugura ibyo baduhitiyemo:

1. PROCESS ZITEGUTEGURA DIALOGUE

• Kuganira hagati yacu tukiyemeza kwitanga mukuganira, gukemura ibidutanya, kumvikana,
• Gutora komite mu bagize amashyaka, civil society, impirimbanyi,
• Guha komite mandate yo gutegura dialogue
• Gushishikariza abanyarwanda kwitabira no gukurikirana dialogue
• Kwitera inkunga ya mafaranga, ibikoresho, na technique bikenewe,
• Guhuza dialogue

2. IBIGOMBA KUVA MURI DIALOGUE

• IDEOLOGY – ihuza abanyarwanda na opposition
• AMASEZERANO – yemeranya ibiharanirwa, ubufatanye n’igabana ry’inyungu
• INGAMBA- kubibazo social, political na economic
• MOVEMENT – ihuje amashyaka, impirimbanyi, civil society etc.
• LEADERSHIP – gutora muri demokarasi mubitabiriye dialogue bose ubuyobozi bwa movement,

3. IBIGOMBA GUKORERWA MURI DIALOGUE

• Gusuzuma inshingano zahawe komite
• Komite gutanga raporo no kumurika ibyakozwe no kwerekana ibikurikira
• Gusuzuma no kwemeranya imishinga yigirwa muri dialogue (bivugwa muri nomero ya 2)
• Kwiga, kwemeza no gusinya amasezerano y’ubufatanye
• Gutangiza ihuriro rihuza andi mahuriro, amashyaka, impirimbanyi n’imiryango,
• Gutora inzego z’ubuyobozi bw’ihuriro
• Gusesa komite itegura dialogue, gushyikiriza ububasha n’ibikoresho inzego nshya zitowe
• Guha mandate ubuyobozi butowe,
• Gutangiza ibikorwa byo kwibohora bikorewe hamwe
• Gutsinda igitugu

4. DIALOGUE YO GUSHINGA LETA Y’INZIBACYUHO

• Guhuriza hamwe abagiranye amasezerano na bandi bayoboka nyuma yo kuyasinya,
• Gutora abayobora leta yinziba cyuho ihuriweho na bagiranye amasezerano
• Gushyira mubikorwa ingamba zikemura ibibazo byemejwe muri dialogue ya 1
• Kubaka inzego z’ubutegetsi bw’igihugu/abaturage
• Kubaka inzego z’umutekano
• Kubaka ubushobozi, ubumenyi n’imibanire bya baturage
• Gucyura impunzi no kuzituza
• Kubarura amashyaka no guyatera inkunga
• Gushinga komisiyo ya matora no kuyiha inshingano
• Gutangiza demokarasi ishingiye ku mashyaka menshi
• Gushyiraho ubutegetsi bwitorewe n’abaturage,

5. DIALOGUE YO GUSESA IHURIRO

• Guhuza abagiranye amasezerano na banyarwanda muri rusange
• Gutanga raporo y’ibyakozwe nukuntu igihugu gihagaze
• Kwemeranya uburyo bizarindwa bigakomeza
• Gusesa ubufatanye hagakomeza politiki ya mashyaka menshi

Kugirango tubashe gutegura dialogue itanga umusaruro twese twifuza kandi twabasha kumvikanaho ndabasaba ibi bikurikira:

1. umwanya wo gusoma ayo masezerano mbona ko yakiza rubanda nu Rwanda, yakorere ubugorora ngingo, ongeramo ibibura, yagire property yurwanda,
2. Yasomeshe abandi banyarwanda badakunda gusoma wifashishije uburyo bwitangaza makuru ukoresha kugirango bidufashe gusangira imyumvire yogukenera ibiyakubiyemo bihinduke impamvu ziduhuza mubiganiro bya bareshya bifuza gukorana bitari ugukoreshwa.
3. Genzura ko ayo masezerano aha abanyarwanda bose ibi bikurikira:

• Abohora ababoshywe akasubiza rubanda ijambo?
• Atanga ubutabera n’indishyi kubanyabyaha n’abarenganye bose?
• Atugeza kubufatanye bwa baharanira impinduka no gusaranganya ibizava muntsinzi?
• Atubashisha kubaka ubushobozi bwa rubanda mukwiyobora, kwivugira no kwiteza imbere?
• Atuma duhindura ibintu tudateye ubundi buhunzi cg ngo duteze impfu ku bakekwa bitanyuze mubutabera?
• Atuma abanyarwanda bimpunzi bacyurwa bagatuzwa ntawe ubahohoteye cg ngo bazane imigambi yoguhangana bidusubiza mu bwicanyi?
• Akemura ibibazo abanyarwanda nu rwanda bifite?

Mbagejejeho incamake kugirango tubashe kuganira bitugeza munzira itegura ibiganiro biboneye kandi bizavamo ibisubizo twese dukeneye.

Mugire amahoro n’amahirwe,

 

Richard Ringuyeneza Kayumba

+44 73 7739 2220

NATIONAL PEOPLE’S CONCERN (NPC)